ചന്ദ്രകിരണത്തിൻ ചന്ദനമുണ്ണും

ചന്ദ്ര കിരണത്തിൻ ചന്ദനമുണ്ണും
ചകോര യുവ മിഥുനങ്ങൾ
അവയുടെ മൌനത്തിൽ കൂടണയും
അനുപമ സ്നേഹത്തിൻ അർഥങ്ങൾ
അന്തരാർഥങ്ങൾ... ( ചന്ദ്ര കിരണത്തിൻ...)

ചിലച്ചും .... ചിരിച്ചും
ചിലച്ചും ചിറകടിച്ചു ചിരിച്ചും
താരത്തളിർ നുള്ളി ഓളത്തിൽ വിരിച്ചും
നിളയുടേ രോമാഞ്ചം നുകർന്നും കൊണ്ടവർ
നീല നികുഞ്ജത്തിൽ മയങ്ങും ( 2)
ആ മിഥുനങ്ങളേ അനുകരിക്കാൻ
ആ നിമിഷങ്ങളേ ആസ്വദിക്കാൻ ( ചന്ദ്ര ....)

മദിച്ചും കൊതിച്ചും
മദിച്ചും പരസ്പരം കൊതിച്ചും
നെഞ്ചിൽ മധുവിധു നൽകും മന്ത്രങ്ങൾ കുറിച്ചും
ഇണയുടെ മാധുര്യം പകർന്നും കൊണ്ടവർ
ഈണത്തിൽ താളത്തിലിണങ്ങും (2)
ആ മിഥുനങ്ങളെ അനുഗമിക്കാൻ
ആ നിമിഷങ്ങളെ ആസ്വദിക്കാൻ ( ചന്ദ്ര ... )