കണ്ണുനീര്‍ മാത്രമായല്ലോ

കണ്ണുനീര്‍ മാത്രമായല്ലോ - ഞാന്‍ 
കണ്ട കിനാവുകളെല്ലാമേ (2)
കണ്ണുനീര്‍ മാത്രമായല്ലോ

കുട്ടിക്കാലം തൊട്ടൊരു നാളും 
വിട്ടകലാതെ വളര്‍ന്നു
കുറ്റം ചെയ്താലും കനിവോടെ 
കൂട്ടിക്കൊണ്ടു നടന്നു
കണ്ണുനീര്‍ മാത്രമായല്ലോ

കൊച്ചനിയത്തിയെ വാത്സല്യത്തിന്‍ 
തൊട്ടിലിലാട്ടിയൊരണ്ണന്മാര്‍
വിട്ടു പിരിഞ്ഞല്ലോ - ഞാനവരെ 
ഒറ്റുകൊടുത്തല്ലോ 
കണ്ണുനീര്‍ മാത്രമായല്ലോ

അനുരാഗത്തിന്‍ ലഹരിയില്‍ 
നീയൊരു നരനെന്നോര്‍ത്തു ഞാന്‍
ഉള്ളിലിരുന്നൊരു ചോരക്കൊതിയതു 
കണ്ടില്ലല്ലോ ഞാന്‍

മകുടം ചൂടും മകനെ കാണാന്‍ 
മനസ്സു നൊന്തൊരു മാതാവേ
അജ്ഞതയാലെ നിന്നേപ്പോലും 
ചതിച്ചുവല്ലോ ഞാന്‍
മരിക്കയോ ഞാന്‍ ആ ചരണങ്ങളില്‍ 
നമസ്ക്കരിയ്ക്കാതേ
പാവനയാം ആ ഗംഗയില്‍ 
എന്നുടെ പാപം കഴുകാതേ

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Kannuneer mathramayallo

Additional Info

Year: 
1961

അനുബന്ധവർത്തമാനം