ആനന്ദനന്ദകുമാരാ

ആനന്ദനന്ദകുമാരാ കൃഷ്ണാ
മാനസമോഹനമാരാ
പരമാനന്ദ നന്ദകുമാരാ കൃഷ്ണാ
മാനസമോഹനമാരാ
പരമാനന്ദ നന്ദകുമാരാ

കുതുകത്താല്‍ പൊന്നോട -
ക്കുഴലേന്തും കൈത്താരില്‍ (2)
ഗോവര്‍ദ്ധനം പൂണ്ട ഗോകുലനായക
കുതുകത്താല്‍ പൊന്നോട -
ക്കുഴലേന്തും കൈത്താരില്‍ 
ഗോവര്‍ദ്ധനം പൂണ്ട ഗോകുലനായക
(ആനന്ദനന്ദകുമാരാ.... )

ഗാനങ്ങള്‍ പാടി കാളിന്ദി തീരത്തു
പ്രാണസഖിയായ രാധയുമൊന്നിച്ചു
ലീലകളാടിയ നീലക്കാര്‍വര്‍ണ്ണാ
പാലിച്ചു കൊൾകെന്നെ പങ്കജ കണ്ണാ (2)
(ആനന്ദനന്ദകുമാരാ....)

കാണുവാന്‍ കെല്‍പ്പില്ല കണ്ണുകള്‍ക്കീശ്വര
കാരുണ്യമില്ലയോ ഞങ്ങളില്‍ ശ്രീധരാ (2)
കണ്ണിനുംകണ്ണായെന്‍ ഉള്ളില്‍ വിളങ്ങീടും
കണ്ണാനീ ഞങ്ങളെ കൈവിടൊല്ലേ (2)