രാവൊരു നീലക്കായല്‍

രാവൊരു നീലക്കായല്‍ - ഈ
രാവൊരു മോഹക്കായല്‍
കായലിലേതോ തോണി
പൂന്തോണിയില്‍ നിന്‍ വരവായി
(രാവൊരു..)

അക്കരെയാണോ ഇക്കരെയാണോ
മുത്തുകള്‍ വിളയും രാജ്യം
നാടന്‍കഥയുടെ നാവില്‍ വിടരും
താരകളുറങ്ങും തീരം - എങ്ങോ
രാക്കിളി പാടണ തീരം
(രാവൊരു..)

ഒന്നുരിയാടാന്‍ എത്ര കൊതിച്ചു
കണ്ണുകളിടയും നേരം
ഞാനീക്കരയുടെ മാറില്‍ എഴുതി
നീയറിയാതൊരു ചിത്രം - എന്നില്‍
ഞാനറിയാതൊരു നാണം
(രാവൊരു..)