കണ്ടാലഴകുള്ള മണവാട്ടി

കണ്ടാലഴകുള്ള മണവാട്ടി 
കവിളത്തു പൂവൊള്ള മണവാട്ടി 
പൂമണിയറയിലെ പുതുമണവാളനു 
പുന്നാര മണവാട്ടി....ഹൊയ്‌
(കണ്ടാലഴകുള്ള... )

പനിനീരിൻ പൊയ്കയിൽ മേൽകഴുകി -പെണ്ണ്
മണമുള്ള തൈലമിട്ടു മുടി ചീകി 
മോതിരക്കൈ കൊണ്ടു നാണിച്ചു മുഖം 
പൊത്തി മോഹിച്ചു നിൽക്കുന്നതാരെയാണ്‌ 
പനിനീരിൽ ...ദൂരെയാണ്‌ 
(കണ്ടാലഴകുള്ള... )

മദനപ്പൂങ്കാവിലെ മലരാണ്‌ - ഇത്
മനസ്സിനെ മയക്കണ ചിരിയാണ്‌ 
ആരോരുമറിയാതെ ആദ്യത്തെ രാത്രിയിൽ 
മാരനു നൽകുന്ന നിധിയാണ്‌ 
മദന...നിധിയാണ്‌ 
കണ്ടാലഴകുള്ള മണവാട്ടി ... മണവാട്ടി