കാട്ടുചെമ്പകം പൂത്തുലയുമ്പോൾ

ഓ...ഓ... ഓ...

കാട്ടുചെമ്പകം പൂത്തുലയുമ്പോൾ
കടമ്പു മരം തളിരണിയുമ്പോൾ
കണ്ണാടിപ്പുഴ തെളിയുമ്പോൾ
കാണാപ്പൈങ്കിളി പാടുമ്പോൾ
കരളിൽ മാത്രം കണ്ണീരരുവി 
 
കരിമലയും വനനിരയും
കനകനിലാക്കസവുടുത്തു
കളമൊഴി പൂങ്കാറ്റു വന്നൂ
കതിരിലക്കിളി പാടി വന്നൂ
ഓ...ഓ....ഓ... 
 
ചിറകൊടിഞ്ഞ ഗാനവുമായ്
കാട്ടിലാകെ ഞാൻ തിരഞ്ഞൂ
ചിലമ്പു പോലെ ചിരിക്കും പെണ്ണേ
വെളുത്തപെണ്ണേ നീയെവിടെ
ഓ...ഓ....ഓ.... 

കാട്ടുചെമ്പകം പൂത്തുലയുമ്പോൾ
കടമ്പു മരം തളിരണിയുമ്പോൾ
കണ്ണാടിപ്പുഴ തെളിയുമ്പോൾ
കാണാപ്പൈങ്കിളി പാടുമ്പോൾ
കരളിൽ മാത്രം കണ്ണീരരുവി