ഉറക്കം വരാത്ത പ്രായം

ഉറക്കം വരാത്ത പ്രായം - ഒന്നും 
ഒതുക്കാൻ വയ്യാത്ത പ്രായം 
എനിക്കും നിനക്കും വെണ്ണിലാവിനും 
എന്നും ഒരേ പ്രായം 
ഉറക്കം വരാത്ത പ്രായം

തുറന്ന ജാലക വാതിലിലൂടെ 
തുഷാര കിരണങ്ങളോടി വരുമ്പോൾ 
മാമ്പൂ തുമ്പിയെ അണയ്ക്കുന്നു 
മനസ്സു ദാഹിയ്ക്കുന്നു 
(ഉറക്കം..)

വിതുർന്നുലഞ്ഞ കിനാക്കളിലൂടെ 
വികാര മുകുളങ്ങൾ തേൻ നിറയുമ്പോൾ 
മാറിൽ മുത്തുകൾ കിലുങ്ങുന്നു 
മനസ്സു ദാഹിയ്ക്കുന്നു 

ഉറക്കം വരാത്ത പ്രായം - ഒന്നും 
ഒതുക്കാൻ വയ്യാത്ത പ്രായം 
എനിക്കും നിനക്കും വെണ്ണിലാവിനും 
എന്നും ഒരേ പ്രായം 
ഉറക്കം വരാത്ത പ്രായം