വേദന വേദന തീരാത്ത വേദന

വേദന...വേദന... 
തീരാത്ത വേദനയിൽ മുങ്ങി 
വേഴാമ്പലുകൾ മയങ്ങി 
സ്നേഹത്തിൻ കണ്ണുനീർ പാടത്തിന്നരികിൽ 
ദാഹിച്ചു ദാഹിച്ചുറങ്ങി 

വേദന...വേദന... 
തീരാത്ത വേദനയിൽ മുങ്ങി 
വേഴാമ്പലുകൾ മയങ്ങി 

നിർവൃതി വർണ്ണവിതാനങ്ങൾ നീർത്തിടും 
നിത്യ മനോഹര തീരം - നിദ്രതൻ 
നിത്യ മനോഹര തീരം 
സ്വപ്നം സങ്കല്പ തംബുരു മീട്ടും 
വിശ്വ പ്രേമകുടീരം 
വിശ്വ പ്രേമകുടീരം 

അന്തരാത്മാവിൻ അബോധതലങ്ങളിൽ 
ആരോ പാടുവതാരോ - മൂകമായ്‌ 
ആരോ പാടുവതാരോ 
തല്ലാനല്ല തലോടുവാനല്ലോ 
തന്നൂ ഞാനീ കൈകൾ 
തന്നൂ ഞാനീ കൈകൾ