തിരുവിളയാടലിൽ കരുവാക്കരുതേ

തിരുവിളയാടലിൽ കരുവാക്കരുതേ
തിരുവടി തേടുമീയെന്നെ
ആദിയും നീയേ അന്തവും നീയേ
ആദിപരാശക്തി നായകനേ  (തിരുവിളയാടലിൽ..)
 
പലകോടി തിര പാടും ആ പുണ്യ ജടയിൽ
ഈ കണ്ണിർത്തിര കൂടിയണിയൂ  (2)
പലകാല പുഷ്പങ്ങൾ വിരിയും നിൻ ചരണത്തിൽ
ഈ നെഞ്ചിൻ തുടി കൂടിയണിയൂ
നമഃശിവായ നമഃശിവായ നമഃശിവായ (തിരുവിളയാടലിൽ..)
 
ദിനമെണ്ണി മനം പാടും എന്റെ ദുഃഖനയനത്തിൽ
ഒരു തുള്ളി തീർഥം നീ പകരൂ
ഇനിയെന്നും സിന്ദൂരമണിയാനെൻ ശിരസ്സിങ്കൽ
ഒരു വാക്കു നീ മാറ്റിയെഴുതൂ
നമഃശിവായ നമഃശിവായ നമഃശിവായ (തിരുവിളയാടലിൽ..)