നിന്നെക്കണ്ടാലുള്ളിൽ

 

നിന്നെക്കണ്ടാലുള്ളിൽ പൊൻ പുലരികൾ വിടരും

ഓളം തുള്ളും കിനാക്കായൽ

നിന്നെത്തൊട്ടാൽ നെഞ്ചിൽ നൂറഴകലയുണരും

കനവിൽ വിരിയും വസന്തങ്ങൾ

പ്രണയാർദ്ര നിമിഷദലങ്ങൾ

ഇളം കാറ്റിലാടി വിടരും

അറിയാതെ ഇഷ്ടം വിടരും

(നിന്നെ...)





എന്തിനെന്നു പറയാൻ വയ്യാ

ഒന്നു കാണാനൊന്നു മിണ്ടാനെ

ന്നിലേതോ തീരാ മോഹം (എന്തി,...)

എന്തിനെന്നു പറയാൻ വയ്യ

എത്രയെന്നു പറയാൻ വയ്യാ

ഒന്നു മിണ്ടാനുള്ളിലേതോ

തരള മധുരവികാരം (2)

(നിന്നെ..)



മാരിവില്ലു ധാവണി നെയ്തു

വിൺ നിലാവു ചേലകൾ തുന്നി

താലി മിന്നായ് താര നിലാവും

വിണ്ണിൽ നിന്നു താഴെയിറങ്ങി

നിമിഷനേരം പിരിയാൻ വയ്യ

മുന്നിൽ നിന്നും മറയാൻ വയ്യ

എന്റെ മാത്രം സ്വന്തമായ്

സ്നേഹമധുര പരാഗമായ്

(നിന്നെ...)