നിത്യകാമുകീ ഞാൻ നിൻ മടിയിലെ

നിത്യകാമുകീ ഞാൻ നിൻമടിയിലെ
ചിത്രവിപഞ്ചികയാകാൻ കൊതിച്ചു
ആ മൃണാള മൃദുലാംഗുലിയിലെ
പ്രേമപല്ലവിയാകാൻ കൊതിച്ചു
(നിത്യകാമുകീ..)

ആശകൾ സങ്കൽപ്പ ചക്രവാളത്തിലെ-
യാലോല വാസന്തമേഘങ്ങൾ..
അവയുടെ ചിറകിലെ വൈഡൂര്യമുത്തിന്
ഹൃദയമാം പുൽക്കൊടി കൈനീട്ടീ
കൈനീട്ടീ - വെറുതെ കൈനീട്ടി
(നിത്യകാമുകീ..)

ആശകൾ വാസര സ്വപ്നമാം പൊയ്കയി-
ലാരോ വരയ്ക്കുന്ന ചിത്രങ്ങൾ
അവയുടെ കൈയിലെ പാനപാത്രത്തിലെ
അമൃതിനു ദാഹിച്ചു കൈനീട്ടീ
കൈനീട്ടീ - വെറുതെ കൈനീട്ടി
(നിത്യകാമുകീ..)