താലിപീലി കാടുകളിൽ

താലീ പീലീ കാടുകളിൽ 
താളം തുള്ളി നടന്നപ്പോൾ 
ചിങ്ങനിലാവിനു പണ്ടു പണ്ടൊരു 
ചിലമ്പു കിട്ടി  - പൊന്നിൻ ചിലമ്പു കിട്ടി 
(താലീ പീലീ... )

വെള്ളിപ്പല്ലക്കിനുള്ളിലിരിക്കണ 
വിണ്ണിലെ രാജകുമാരി (2)
ഒറ്റച്ചിലമ്പുമായ്‌ ചിങ്ങനിലാവത്തു 
നർത്തനമാടി - മായാനർത്തനമാടി 
(താലീ പീലീ... )

ഏഴു വെളുപ്പിനു തോഴരോടൊത്തവൾ 
ഏഴാം കടൽക്കരെ പോയി (2)
മുങ്ങിത്തുടിച്ചു കുളിക്കും നേരത്തു
ചിലമ്പു പോയി - പൊന്നിൻ ചിലമ്പു പോയി 
(താലീ പീലീ... )

കറുത്തവാവിനു രാജകുമാരിയെ 
കണ്ടവരെല്ലാം ചോദിച്ചു 
കണ്ടവരെല്ലാം ചോദിച്ചു  (2)
ചിങ്ങനിലാവിൻ തേരു കണ്ടോ 
ചിലമ്പു കണ്ടോ  -പൊന്നിൻ
ചിലമ്പു കണ്ടോ 
(താലീ പീലീ... )