മാനവഹൃദയം ഭ്രാന്താലയം

മാനവഹൃദയം ഭ്രാന്താലയം
മാറാത്ത രോഗത്തിൻ നൃത്താലയം
ഓരോ വികാരവുമോരോ ഭ്രാന്തൻ
ഓടിയലഞ്ഞു മരിക്കും പാന്ഥൻ (മനവ..)

അതിരുകൾ കാണാത്ത ഭൂമി
അതിലൊരു ബിന്ദുവാം മനുഷ്യൻ
ജീവിതമെന്നൊരു വ്യാമോഹസ്വപ്നത്തെ
തേടുന്നു നിദ്രയ്ക്കു മുൻപേ പാവം
തേടുന്നു നിദ്രക്കു മുൻപേ
വ്യർഥം ഈ വഴിയാത്ര (മാനവ...)

കാൽ‌വരി വീണ്ടും കരഞ്ഞു
കരുണയോ കുരിശിൽ പിടഞ്ഞു
പാപം ചെയ്യുന്ന സാമൂഹ്യദൈവങ്ങൾ
പാപിയെ കല്ലെറിഞ്ഞു - ഈ
പാപിയെ കല്ലെറിഞ്ഞു
വ്യർത്ഥം ഈ മൂഢസ്വർഗ്ഗം (മാനവ..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Maanavahridayam

Additional Info

അനുബന്ധവർത്തമാനം