താരകരൂപിണീ
Music:
Lyricist:
Singer:
Raaga:
Film/album:
താരകരൂപിണീ നീയെന്നുമെന്നുടെ
ഭാവന രോമാഞ്ചമായിരിക്കും
ഏകാന്ത ചിന്തതൻ ചില്ലയിൽ പൂവിടും
എഴിലം പാലപ്പൂവായിരിക്കും
താരകരൂപിണീ.....
നിദ്രതൻനീരദ നീലവിഹായസ്സിൽ
നിത്യവും നീ പൂത്തു മിന്നിനിൽക്കും
സ്വപ്നനക്ഷത്രമേ നിൻചിരിയിൽ സ്വർഗ-
ചിത്രങ്ങളെന്നും ഞാൻ കണ്ടുനിൽക്കും
താരകരൂപിണീ.....
കാവ്യവൃത്തങ്ങളിലോമനേ നീ നവ-
മാകന്ദമഞ്ജരി ആയിരിക്കും
എൻ‌മണിവീണതൻ രാഗങ്ങളിൽ സഖി
സുന്ദര മോഹനമായിരിക്കും
താരകരൂപിണീ.....
ഈ ഹർഷവർഷ നിശീഥിനിയിൽ നമ്മൾ
ഈണവും താളവുമായിണങ്ങി
ഈ ജീവസംഗമ ധന്യത കാണുവാൻ
ഈരേഴുലകും അണിഞ്ഞൊരുങ്ങി
താരകരൂപിണീ നീയെന്നുമെന്നുടെ
ഭാവന രോമാഞ്ചമായിരിക്കും
ഏകാന്ത ചിന്തതൻ ചില്ലയിൽ പൂവിടും
എഴിലം പാലപ്പൂവായിരിക്കും
താരകരൂപിണീ.....
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
(2 votes)
Tharaka Roopini
Additional Info
Year:
1973
ഗാനശാഖ: