ആകാശത്തിലെ നാലമ്പലത്തിൽ

ആകാശത്തിലെ നാലമ്പലത്തിൽ

ആരോ വിളക്കു വെച്ചൂ

ആരോമലേ നിൻ ആലോലമിഴിയിൽ

അനുരാഗം വിളക്കു വെച്ചൂ

വെള്ളിത്തിരകളാൽ തുണി നെയ്തു കൂട്ടി

വെള്ളാരങ്കല്ലിൽ ചിലമ്പിട്ടു തല്ലി

ഒഴുകീ കാട്ടരുവീ കരയെ

തഴുകീ കാട്ടരുവീ

എന്റെ മനസ്സും കല്ലോലിനീ

നിന്നെ തഴുകും കല്ലോലിനീ (ആകാശത്തിലെ...)

വള്ളിക്കുടിലുകൾ മണിമേടയാക്കി

തുള്ളുന്ന കാറ്റിന്റെ തോളത്തു കേറീ

വന്നൂ വസന്ത കാലം ഭൂമിയെ

വെന്നു വസന്തകാലം

എന്റെ സ്വപ്നവും വസന്തം

നിന്നിൽ വിടരും വസന്തം  (ആകാശത്തിലെ...)