ഓർമ്മയുണ്ടോ മാൻ കിടാവേ

ഓർമ്മയുണ്ടോ മാൻ കിടാവോ

ഒരുമിച്ചു നമ്മളോടിക്കളിച്ച കാലം തമ്മിൽ

ഒരിക്കലും പിരിയാത്ത ചെറുപ്പകാലം  (ഓർമ്മയുണ്ടോ..)

ചിരിച്ചാലും കരഞ്ഞാലും പരിഭവം പറഞ്ഞാലും

കാണാതിരുന്നാൽ നിൻ മിഴി നനയും നിന്റെ

കവിളിലെ കമലപ്പൂ കൊഴിഞ്ഞു വീഴും വാടി

കൊഴിഞ്ഞു വീഴും  (ഓർമ്മയുണ്ടോ..)

മറന്നാലും മറക്കാത്ത പിരിഞ്ഞാലും പിരിയാത്ത

കൗമാരസ്നേഹത്തിൻ കനകപുഷ്പം എന്റെ

ഹൃദയത്തിലെന്നെന്നും വിടർന്നു നിൽക്കും

മിന്നി വിടർന്നു നിൽക്കും (ഓർമ്മയുണ്ടോ..)