നീലവിരിയിട്ട നീരാളമെത്തയിൽ

നീലവിരിയിട്ട നീരാളമെത്തയിൽ
വീണുറങ്ങുന്ന നിലാവേ
നിൻ വരവും - കാത്തു 
നിൽക്കുകയാണു ഞാൻ
നീളും നിഴലുമായ് താഴെ

പാടിത്തളർന്നു രാക്കുയിൽ- ഈ നല്ല
വാടിക വാടിത്തുടങ്ങി
കണ്ണുകൾ രണ്ടും നിറയുകയാലെന്റെ
കാഴ്ചയും മങ്ങിത്തുടങ്ങി

നീ വന്നു പാടുമെന്നാശിച്ചു ഞാനെന്റെ
വീണതൻ കമ്പി മുറുക്കി
എല്ലാമറിഞ്ഞിട്ടും ഒന്നും അറിയാതെ
ഉല്ലാസമായ് നീ ഉറങ്ങി