സൗഗന്ധികങ്ങൾ വിടർന്നു

സൗഗന്ധികങ്ങൾ വിടർന്നൂ
സഖിയുടെ കാർക്കൂന്തലണിഞ്ഞൂ
മാനസസരസ്സിലെ മണിയരയന്നങ്ങൾ ആലിംഗനങ്ങളിലോ
ഈ സൗരഭം എവിടെ നിന്നോ

സൗഗന്ധികങ്ങൾ വിടർന്നൂ
മദനന്റെ മാരിവില്ലുണർന്നൂ
സഖിയുടെ കാർക്കൂന്തലണിഞ്ഞൂ
മാനസസരസ്സിലെ മണിയരയന്നങ്ങൾ ആലിംഗനങ്ങളിലോ
ഈ സൗരഭം എവിടെ നിന്നോ

അമരാവതിയിലും അളകാപുരിയിലും അനുരാഗവസന്തമായ് (2)
ഇതളോടിതൾ ചൂടും പൂവുകൾക്കെല്ലാം ഇണയെത്തേടാൻ ദാഹമായ്
 ഇണയെത്തേടാൻ ദാഹമായ്
ഈ ശലഭം അരികിലില്ലേ
സൗഗന്ധികങ്ങൾ വിടർന്നൂ
മദനന്റെ മാരിവില്ലുണർന്നൂ

യമുനാതടത്തിലെ അഭിരാമ വനികയിൽ
മധുരാഗസുഗന്ധമായ് (2)
ഋതുഭേദമറിയാതെ ഈ തിരുനടയിൽ ഞാൻ
കൊഴിയും പൂജാ മലരായ്
കൊഴിയും പൂജാ മലരായ്
ഈ പരിമളം എവിടെ നിന്നോ (സൗഗന്ധികങ്ങൾ..)

-------------------------------------------------------------------------------