സുഗന്ധം പൊന്നോണ മലരിൽ നിന്നോ

സുഗന്ധം പൊന്നോണമലരിൽ നിന്നോ
മനസ്വിനീ നിന്റെ മനസ്സിൽനിന്നോ (ഈ സുഗന്ധം..)

കുളിർ ചിന്തി തഴുകുവതിലയോ എന്നെ
കുളിർ ചിന്തി തഴുകുവതിലയോ എന്നെ
ഇളകും വക്ഷോജത്തളിരോ (സുഗന്ധം..)

എനിക്കു നീയഭയം നിനക്കു ഞാനഭയം
ഈ മുഗ്ദ്ധസംഗമം മഹിതം മഹിതം
ഒരു ചുംബനത്താൽ ഒരു ജന്മത്തിൻ
കവിത രചിക്കും പ്രണയം
പുണരൂ എന്നെ പുണരൂ
ഈ പുഴയുടെ പാട്ടിൽ
ഓണനിലാവിൽ ലയിക്കാം
എല്ലാം മറക്കാം (സുഗന്ധം..)

കരയുന്നിതെങ്ങോ വിരഹി രാപ്പാടി
ആ രാഗം പകർത്തേണ്ട നമ്മൾ
ഒരുമിച്ചു ചിരിക്കാം ഇണ പിരിയാതെ
തുടരാം വീണ്ടും യാത്ര
അകലേ അങ്ങകലേ
ആ കമ്രനക്ഷത്രം പുതുവഴി കാട്ടുവാൻ
വിളിപ്പൂ നമ്മെ വിളിപ്പൂ (സുഗന്ധം..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
sugandham ponnona malaril ninno

Additional Info

ഗാനശാഖ: 

അനുബന്ധവർത്തമാനം