പൂവിനു കോപം വന്നാൽ

പൂവിനു കോപം വന്നാൽ അത്
മുള്ളായി മാറുമോ തങ്കമണീ
മാനിനു കോപം വന്നാൽ അത്
പുലിയായ് മാറുമോ തങ്കമണീ
തങ്കമണീ പൊന്നുമണീ ചട്ടമ്പിക്കല്ല്യാണീ

അങ്ങാടിമുക്കിലെ അത്തറുസഞ്ചി നീ
അനുരാഗക്കടവിലേ ആറ്റുവഞ്ചി
പുന്നാരപ്പുഞ്ചിരി പൂക്കളമെഴുതി
പൊന്നോണം പോലെ വരും പൂവലാംഗി
തങ്കമണി പൊന്നുമണി ചട്ടമ്പിക്കല്ല്യാണി (പൂവിനു..)

കോഴിക്കോടൻ കൈലിമുണ്ട് മടക്കിക്കുത്തി
കാർമേഘ പൂഞ്ചായൽ മടിച്ചു കെട്ടി
ഇല്ലാത്ത കൊമ്പൻ മീശ പിരിച്ചു കാട്ടി
കൊല്ലുന്ന നോട്ടമെയ്യും കോമളാംഗി
തങ്കമണി പൊന്നുമണി ചട്ടമ്പിക്കല്യാണി
(പൂവിനു..)