നിദ്രതൻ വേദിയിൽ

നിദ്രതൻ വേദിയിൽ ആടിക്കളിച്ചെത്തും
നർത്തകിയാണീ സ്വപ്നം 
നഷ്ടബോധത്തിൻ ഉമിത്തീയിലെത്തും
ഇഷ്ടമനോഹര സ്വപ്നം...സ്വപ്നം 
നിദ്രതൻ വേദിയിൽ ആടിക്കളിച്ചെത്തും
നർത്തകിയാണീ സ്വപ്നം 

പ്രണയനാണയ പുറങ്ങളിലായി തിരിഞ്ഞിരുന്നവർ നമ്മൾ
മുഖമറിയാതെ മനമറിയാതെ മറഞ്ഞിരുന്നവർ നമ്മൾ -എന്നോ 
പിരിഞ്ഞുപോയവർ നമ്മൾ
നിദ്രതൻ വേദിയിൽ ആടിക്കളിച്ചെത്തും
നർത്തകിയാണീ സ്വപ്നം 

കളഞ്ഞുപോയാ കളിപ്പമ്പരമെൻ കരളിനുള്ളിൽ കറങ്ങുമ്പോൾ
കളമറിയാതെ കളിയറിയാതെ കരഞ്ഞുപോയവനീ ഞാൻ -എന്നും 
കരഞ്ഞുപോയവനീ ഞാൻ 

നിദ്രതൻ വേദിയിൽ ആടിക്കളിച്ചെത്തും
നർത്തകിയാണീ സ്വപ്നം 
നഷ്ടബോധത്തിൻ ഉമിത്തീയിലെത്തും
ഇഷ്ടമനോഹര സ്വപ്നം...സ്വപ്നം 
നിദ്രതൻ വേദിയിൽ ആടിക്കളിച്ചെത്തും
നർത്തകിയാണീ സ്വപ്നം 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Nidrathan vediyil

Additional Info

Year: 
2005

അനുബന്ധവർത്തമാനം