നായാട്ടുകാരുടെ കൂടാരത്തിൽ

നായാട്ടുകാരുടെ കൂടാരത്തിൽ
നാടോടിക്കുയിൽ പണ്ടു പാടാൻ പോയ്‌ - ഒരു
നാടോടിക്കുയിൽ പണ്ടു പാടാൻ പോയ്‌
(നായാട്ടുകാരുടെ..)

കാക്കക്കുയിലിന്നിരുന്നാടാൻ
കാട്ടുമുന്തിരിയൂഞ്ഞാല്
ദാഹം തീർക്കാനിളനീര്
തലചായ്ക്കാൻ തളിർകൂട് - പൊന്നുംതളിർകൂട്ട്‌
മാമ്പു തിന്നു മദം കൂടി
മാരകാകളി കുയിൽ പാടി കൂടെപ്പാടി ചങ്ങാലി
കുടം കൊട്ടി കുളക്കോഴി - കൊച്ചുകുളക്കോഴി
(നായാട്ടുകാരുടെ..)

പാട്ടു തീർന്നവളെഴുന്നേറ്റു
കേട്ടിരുന്നവർ കയ്യടിച്ചു
കൂട്ടിൽ ചെന്നുകിടന്നപ്പോൾ
കുയിൽപ്പെണ്ണിനമ്പുകൊണ്ടു
നെഞ്ചിൽ അമ്പു കൊണ്ടു
കന്നിക്കുയിലിൻ ഇളം മാംസം
കാട്ടുതീയിൽ പൊരിയുമ്പോൾ
കൂടെപ്പൊരിഞ്ഞു ചങ്ങാലി
കുഴമ്പായി കുളക്കോഴി
പാവം കുളക്കോഴി
(നായാട്ടുകാരുടെ....)