മന്മഥനിന്നെന്നതിഥിയായി

മന്മഥനിന്നെന്നതിഥിയായി
മല്ലികപ്പൂ പെയ്യും രജനിയിലെൻ
കളിപ്പൊൻ വീണ മീട്ടുവാൻ മോഹമായി (മന്മഥ...)

ഗായകൻ എൻ പ്രേമഗായകൻ ഗന്ധർവ്വ
ഗാനവിശാരദനായ് വന്നവൻ
ഏഴു സ്വരങ്ങളാലേഴു സ്വർഗ്ഗങ്ങളെ
ഭൂമിയിലെത്തിക്കും തോഴനവൻ
ഇന്നൊന്നു പാടാനാ വീണക്കു നാണം
ഒന്നു തൊടാനെന്റെ വിരലിനും നാണം (മന്മഥ...)

നായകൻ എൻ ജീവനായകൻ വാസന്ത
മാധുരി മേനിയിൽ പൂശുന്നവൻ
ഏഴു സ്വരങ്ങളുമില്ലെങ്കിൽ പോലുമെൻ
പൂമണിക്കോവിലിൽ ദൈവമവൻ
ഇന്നു വരം തരാൻ ദേവനു നാണം
ഒന്നു ചോദിക്കാനെൻ നാവിനും നാണം (മന്മഥ...)