കളകളം പാടുമീ

കളകളം പാടുമീ കല്ലോലിനിയിൽ
കാറ്റിനെയാരെടുത്തെറിഞ്ഞൂ
ആലിംഗനത്തിലാ മധുരിക്കും വേദനയിൽ
ആയിരം മലർ മുണ്ടു ഞൊറിഞ്ഞു തെന്നൽ
ആയിരം മലർ മുണ്ടു ഞൊറിഞ്ഞു  (കളകളം..)

അനഘമാം സ്വപ്നത്തിന്നാഴങ്ങളിൽ സഖീ
അലിയുവാൻ മോഹിക്കുന്നില്ലേ
അഭിലാഷമലതല്ലി മറിയുമ്പോൾ മൗനത്തിൻ
അണക്കെട്ടു തകരുകയില്ലേ (കളകളം..)

നിറയുമീ നിർവൃതിത്തേനാറിൻ തിരകളിൽ
ഒഴുക്കൂ നീയെൻ കളിയോറ്റം
മനസ്സിന്റെ ചിപ്പികൾ വിളയുമ്പോൾ മരണവും
മധുരാനുഭൂതിയായ് മാറും (കളകളം..)