മനസ്സില്ലെങ്കിൽ മനോരാജ്യമുണ്ടോ

മനസ്സില്ലെങ്കിൽ മനോരാജ്യമുണ്ടോ

മലരില്ലെങ്കിൽ മകരന്ദമുണ്ടോ

പ്രേമകൗമുദീ മദമില്ലെങ്കിൽ

പ്രണയിനി കുമുദിനിയുണ്ടോ (മനസ്സില്ലെങ്കിൽ...)

മാലതീലതികയെ മാറിൽ പടർത്തുന്നു

മാവിന്റെ മൗനാനുരാഗം

തേന്മാവിന്റെ മൗനാനുരാഗം

മേഘപുഷ്പങ്ങളാൽ പുഷ്പിണിയാക്കുന്നു

മേദിനിയെ കടൽ നീലം(2)

സംഗമം ഈ സംഗമം

ശാശ്വത സംഗീതമല്ലേ (മനസ്സില്ലെങ്കിൽ...)

ഓർമ്മകൾ തൻ തളികയിൽ പൂവാരിയെറിയുന്നു

ഓടുന്ന നിൻ പുഷ്പപദങ്ങൾ

തിരിഞ്ഞോടുന്ന നിൻ പുഷ്പപദങ്ങൾ

രൂപമാമെന്നിൽ നിന്നകലുവാനാകുമോ

ഓമനയെൻ നിഴലല്ലേ

സംഗമം ഈ സംഗമം

ശാശ്വത സംഗീതമല്ലേ (മനസ്സില്ലെങ്കിൽ...)