കണക്കിന്റെ പുസ്തകത്തിൽ

കണക്കിന്റെ പുസ്തകത്തില്‍ മയില്‍ പ്പീലി
എന്റെ കളിക്കൂട്ടുകാരി നിന്റെ മിഴി പോലെ
ഓടിത്തൊട്ടു കളിക്കുന്ന നേരത്തും നെഞ്ചിന്‍
ഓടത്തണ്ടാല്‍ വിളിക്കും ഞാന്‍ നിന്നെ 

കൊലുസ്സൊന്നു കിലുങ്ങിയാല്‍ 
ആ കരിവള കുണുങ്ങിയാല്‍ (2)
മനസ്സെങ്ങാനോടുന്നു മഴനനഞ്ഞിടവഴിയെ
ഈ എന്റെ ...  കണക്കിന്റെ പുസ്തകത്തില്‍ മയില്‍ പ്പീലി
കളിക്കൂട്ടുകാരി നിന്റെ മിഴി പോലെ

ആദ്യം നീ നായികയായ് പിന്നെ ഞാന്‍ കഥയെഴുതീ
അതുപാടാന്‍ അനുരാഗം ഒരു രാഗം കടമേകീ
ഒരു വയല്‍‌ക്കുരുവിയും ഇളവെയിലരുവിയും
ആ  കഥ കേള്‍ക്കാന്‍ കൊതിച്ചു നിന്നു
ഉള്ളം തുടിച്ചു നിന്നു..
ഈ എന്റെ ... കണക്കിന്റെ പുസ്തകത്തില്‍ മയില്‍ പ്പീലി
കളിക്കൂട്ടുകാരി നിന്റെ മിഴി പോലെ

മാഞ്ചോട്ടില്‍ പൂന്തണലില്‍ തെന്നലിന്‍ വിശറിയുമായ്
കനവെല്ലാം പറയുമ്പോള്‍ കളിയാക്കരുതെന്നെ നീ
മുകിലുകളെഴുതിയ മുടിയിഴ തഴുകിയും
നിന്നരുകില്‍ ഞാന്‍ ലയിച്ചു നിന്നു
നാണം ഒളിച്ചു നിന്നു
(കണക്കിന്റെ ... )
 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Kanakinte Pushtakathil

Additional Info

Year: 
2020

അനുബന്ധവർത്തമാനം