ഇത്തിരിയില്ലാത്ത കുഞ്ഞേ

ഇത്തിരിയില്ലാത്ത കുഞ്ഞേ
ഈ വഴിത്താരയിൽ ഏകാകിനിയായി
പോവതെങ്ങു നീ
പേടിസ്വപ്നങ്ങൾ കണ്ടുവോ (ഇത്തിരി..)

പിഞ്ചുഹൃദയം നൊന്തുവോ
താലോലിക്കാനുള്ള കൈകൾ നിന്നെ
തല്ലിയുടക്കാൻ വന്നുവോ
സ്നേഹത്തിൻ തീർത്ഥജലം കിട്ടാതെ
ദാഹിച്ചു നിന്നു കരഞ്ഞുവോ (ഇത്തിരി....)

അമ്മിണിച്ചുണ്ടിലൊരുമ്മ തരാൻ
അകലെ നിന്നമ്മ വിളിച്ചുവോ
പൂച്ചക്കണ്ണുള്ള നക്ഷത്രങ്ങളെ
രാത്രിയിൽ കണ്ടു ഭയന്നുവോ
പ്രാർത്ഥന കേൾക്കാത്ത ദൈവത്തിൻ മുമ്പിൽ നീ
ഭ്രാന്തിയെപ്പോലെ ചിരിച്ചുവോ (ഇത്തിരി...)