ഏതോ കിനാവിന്റെ

ഏതോ കിനാവിന്റെ ദ്വീപിൽ
ഇന്നെന്റെ മോഹങ്ങൾ പൊൻപീലി ചൂടി
നീലാംബരം വെള്ളി മേഘങ്ങളാൽ
വെൺചാമരങ്ങൾ വീശിനിന്നു (ഏതോ കിനാവിന്റെ...)

സാഗരനീലിമ പൊൻപീലിയിൽ
രാഗചിത്രങ്ങൾക്കു രൂപമേകി
പൂങ്കാറ്റുവാസന്തപൂക്കളുമായ്
ആ വർണ്ണരേണുവെ പുൽകി നിന്നൂ
അതിൻ മോഹം പുതുരാഗം
ഞാൻ പാടി നിന്നൂ... (ഏതോ കിനാവിന്റെ...)

ആത്മവിപഞ്ചിക തന്ത്രികളിൽ
ആയിരം നാദങ്ങളൊന്നു ചേർന്നു
സ്വർഗീയസംഗീതകന്യകൾ തൻ
സംഗമം സായൂജ്യമേകി നിന്നൂ
അതിൻ ഭാവം പുതുരാഗം
ഞാൻ പാടി നിന്നൂ... (ഏതോ കിനാവിന്റെ...)