എന്റെ ജീവിതം നാദമടങ്ങി

എന്റെ ജീവിതം നാദമടങ്ങി
ഉറങ്ങും മണിവീണ
ഏതോ ശാപം വളർത്തുമിരുളിൽ
ഉറങ്ങും മണിവീണ
ഉറങ്ങും മണിവീണ(എന്റെ...)

ജീവദാഹം തന്ത്രി തോറും
തുളുമ്പി നിന്നിട്ടും
രാഗധാരകളൊഴുകിടാതെ
മയങ്ങും മണിവീണ
ചുംബനശ്രുതി വിടർത്തി നിന്ന
വിരലുകൾ മറഞ്ഞു
നൊമ്പരങ്ങളിൽ ചിറകൊതുക്കി
കാലവും കടന്നു
കാലവും കടന്നു (എന്റെ...)

എന്റെ ജീവിതം പൂക്കൾ വാടി
ത്തളർന്ന പൂവാടി
ഏതോ സൂര്യൻ വിതച്ച  വെയിലിൽ
ഒഴിഞ്ഞ പൂവാടി
മധുരസൗരഭം സിരകൾ തോറും
തുടിച്ചു നിന്നിട്ടും(2)
മലർ വിടർത്താൻ കഴിഞ്ഞിടാതെ
മാഴ്കും പൂവാടി
സ്വന്തധനമെന്നോർത്തിരുന്ന
വസന്തവും പിരിഞ്ഞു
എന്തിനായ് ഞാനെന്നിലൊതുങ്ങി
യെന്നതും മറന്നു (എന്റെ..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Ente jeevitham nadamadangi

Additional Info

അനുബന്ധവർത്തമാനം