ആരാണാരാണ്

 

ആരാണാരാണ്
എറിഞ്ഞുടച്ചതെന്റെ കളിപ്പാട്ടം
ജീവിതമെന്ന കളിപ്പാട്ടം
ആരാണാരാണു തകർത്തതെന്റെ
ആയിരം പൂ വിരിഞ്ഞ പൂന്തോട്ടം

പ്രപഞ്ചമന്ദിരത്തിന്റെ പൂമുഖത്തറയിൽ
വെറുതേ കളിച്ചിരിക്കുംൻപോൾ
വിധിയെന്നു പേരുള്ള കൊടുങ്കാറ്റേ നീ
അവിടെ എന്തിനു വന്നു
പണ്ടൊരിക്കൽ വിളിക്കാതെ വിരുന്നിനു വന്നു

വസന്ത സൗഗന്ധികങ്ങൾ മുകർന്നു ഞാൻ
വെറുതേ നടന്നു പോകുമ്പോൾ മറ്റൊരു
മലരായ് വിരിയാൻ തുടങ്ങുമ്പോൾ
വിധിയെന്നു പേരുള്ള കൊടുങ്കാറ്റേ നീ
അവിടെയെന്തിനു വന്നൂ പണ്ടൊരിക്കൽ
വിളിക്കാതെ വിരുന്നിനു വന്നൂ