പ്രീതിയായോ പ്രിയമുള്ളവനെ

പ്രീതിയായോ പ്രിയമുള്ളവനേ
പ്രീതിയായോ
പറഞ്ഞതെല്ലാം തന്നതിനുള്ളൊരു
പാരിതോഷികമെവിടെ - പ്രേമ
പാരിതോഷികമെവിടെ 
(പ്രീതിയായോ..)

മനസ്സിൻ മണിമഞ്ജുഷയിൽ പകൽ
കിനാവു കിലുക്കിയ മുത്തുകളോ
മാറിലെ രോമാഞ്ചങ്ങളിൽ
മദനനൊളിപ്പിച്ച മുത്തുകളോ
കാണട്ടെ - ഒന്നു കാണട്ടെ - എന്റെ
നാണത്തിലവയെ ഞാൻ പൊതിയട്ടെ 
(പ്രീതിയായോ..)

വിടരും യുവയൗവനത്തിൻ - കാമ
വികാരമുണർത്തിയ കൗതുകമോ
രാവിലെ എകാന്തതകളെ
ലഹരി പിടിപ്പിച്ച മോഹങ്ങളോ
കാണട്ടെ - ഒന്നു കാണട്ടെ - എന്റെ
നാണത്തിലവയെ ഞാൻ പൊതിയട്ടെ 
(പ്രീതിയായോ..)