തപ്പു കൊട്ടാമ്പുറം
കുഞ്ഞിനെ വേണോ
കുഞ്ഞിനെ വാങ്ങാനാരുണ്ട്
തപ്പു കൊട്ടാമ്പുറം തകിലുകൊട്ടാമ്പുറം
കൊട്ടാമ്പുറത്തൊരു കുഞ്ഞ്
കുഞ്ഞിനെ വേണോ - കുഞ്ഞിനെ വേണോ
കുഞ്ഞിനെ വാങ്ങാനാളൊണ്ടോ
ആളൊണ്ടോ ആളൊണ്ടോ
(തപ്പുകൊട്ടാ...)
എന്തു വില?
പൊന്നു വില ! !
മുറ്റം തൂത്തു തളിക്കാനറിയാം
ചട്ടീം കലവും തേയ്ക്കാനറിയാം
പുട്ടും കടലേം തിരുതക്കറിയും
വെച്ചു വെളമ്പാനറിയാം
എവിടെ കെടന്നതാ ?
എങ്ങാണ്ടൊരിടത്ത്
കൊണ്ടു പോ -കൊണ്ടു പോ- കൊണ്ടു പോ
(തപ്പുകൊട്ടാ...)
അത്തിലിത്തിൽ കളിക്കാനറിയാം
അമ്മാനപ്പന്താടാനറിയാം
അക്കരെയിക്കരെയാറ്റുമണമ്മേൽ
ആനകളിക്കാനറിയാം
എവിടെ വളർന്നതാ?
എങ്ങാണ്ടൊരിടത്ത്
കൊണ്ടു പോ -കൊണ്ടു പോ- കൊണ്ടു പോ
(തപ്പുകൊട്ടാ...)
ഓണപ്പാട്ടുകൾ പാടാനറിയാം
ഓലപ്പൂങ്കുഴലൂതാനറിയാം
തങ്കക്കൊലുസ്സുകൾ കിലുകിലെയങ്ങനെ
തുമ്പി തുള്ളാനറിയാം
എവിടെ പഠിച്ചതാ ?
ഏഴാം കടലിന്നക്കരെ
കൊണ്ടു വാ -കൊണ്ടു വാ- കൊണ്ടു വാ
(തപ്പുകൊട്ടാ...)
