യുവാക്കളേ യുവതികളേ

യുവാക്കളേ യുവതികളേ
യുഗചേതനയുടെ ലഹരികളേ
വിഷാദമറിയാത്ത സ്വപ്നങ്ങൾ നമ്മൾ
വികാര പുഷ്പങ്ങൾ
(യുവാക്കളേ...)

നമ്മുടെ ചുണ്ടിലെ മന്ദഹാസങ്ങൾ
നാളത്തെ വസന്തങ്ങൾ
നമ്മുടെ അനുരാഗ സംഗമങ്ങൾ
നാളത്തെ ശാകുന്തളങ്ങൾ
ചിരിക്കൂ പൊട്ടിച്ചിരിക്കൂ
ചില്ലുപാത്രങ്ങൾ നിറയ്ക്കൂ
വെള്ളിനക്ഷത്രങ്ങൾ ചിറകടിച്ചെത്തും
ക്രിസ്തുമസ് രാത്രിയാക്കൂ - ജീവിതം
ക്രിസ്തുമസ് രാത്രിയാക്കൂ
(യുവാക്കളേ...)

നമ്മുടെ കണ്ണിലെ സ്വർണ്ണനാളങ്ങൾ
നാളത്തെ വെളിച്ചങ്ങൾ
നമ്മുടെ ചൂടുള്ള ചുംബനങ്ങൾ
നാളത്തെ സൗഗന്ധികങ്ങൾ
ചിരിക്കൂ പൊട്ടിച്ചിരിക്കൂ
ചില്ലുപാത്രങ്ങൾ നിറയ്ക്കൂ
വെള്ളിനക്ഷത്രങ്ങൾ ചിറകടിച്ചെത്തും
ക്രിസ്തുമസ് രാത്രിയാക്കൂ - ജീവിതം
ക്രിസ്തുമസ് രാത്രിയാക്കൂ
(യുവാക്കളേ...)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Yuvakkale Yuvathikale

Additional Info

അനുബന്ധവർത്തമാനം