അത്തപ്പൂ ചിത്തിരപ്പൂ‍

അത്തപ്പൂ... ചിത്തിരപ്പൂ
മല്ലിപ്പൂ... മാലതിപ്പൂ

അത്തപ്പൂ ചിത്തിരപ്പൂ
അക്കരെയിക്കരെ പൂക്കാലം
മല്ലിപ്പൂ മാലതിപ്പൂ
പുത്തന്‍പെണ്ണിനു പൂത്താലം
(അത്തപ്പൂ... )

ഏഴു പൂക്കൂടയില്‍ പൂവേണം
ഏഴേഴു തോഴിമാര്‍ കോര്‍ക്കേണം (2)
ഓരിഴയീരിഴ മൂവിഴമാലയി-
ട്ടാരെയാരെ ഒരുക്കേണം
(അത്തപ്പൂ... )

താമരപ്പൊയ്കയില്‍ നീന്തേണം
നീന്തിത്തുടിച്ചു നീരാടേണം (2)
പൊന്നിന്‍ കുരുത്തോല തന്നാനമാടുമ്പോള്‍
പിന്നില്‍ ഞൊറിഞ്ഞിട്ടുടുക്കേണം

വെള്ളിക്കവിണിയും ചാര്‍ത്തേണം
വെള്ളപ്രാവുപോലെത്തേണം
പൊന്നിന്‍ കുടമാണ് പൊട്ടുവേണ്ടെങ്കിലും
പെണ്ണൊരിക്കലൊരുങ്ങേണം - ഈ
പെണ്ണൊരിക്കലൊരുങ്ങേണം

അത്തപ്പൂ ചിത്തിരപ്പൂ
അക്കരെയിക്കരെ പൂക്കാലം
മല്ലിപ്പൂ മാലതിപ്പൂ
പുത്തന്‍പെണ്ണിനു പൂത്താലം