താമരപ്പൂവനത്തിലെ ശാരികപ്പെണ്ണാളേ

താമരപ്പൂവനത്തിലെ ശാരികപ്പെണ്ണാളേ
നേരിലൊന്നു കാണുവാനായ്
മാരനെന്തു ചെയ്യും
കളമൊഴിയവൾ ഇണയെ വേർപിരി-
ഞ്ഞിരുളിൽ ചേരുകയല്ലേ
അഴലിൻ കൂടുകൾ തകരും
ഇന്നെന്റെ പ്രണയിനിയെ ഞാൻ കാണും

ഓമനപ്പൂന്തേൻമൊഴിയവൾ
ഓടിയെത്തും നേരം
മാരിവില്ലുകൾ മനസ്സിൽ പൂകുമ്പോൾ
മാരനെന്തു ചെയ്യും
കവിളിണകളിലഴകിൽ എൻ വിരൽ
കുളിരിൽ കുങ്കുമം പൂശും
ചിറകുരുമ്മിയും കനവിൽ മുങ്ങിയും
കരളലിഞ്ഞൊന്നു ചേരും