ഹൂറി

അഴകിയാണേ അഴകിയാണേ അറബിമൊഞ്ചുള്ളരുമയാണേ 
അഖിലമെല്ലാം അലകളാണേ അറബനത്തുടിതാളമാണേ
അഴകിയാണേ അഴകിയാണേ അറബിമൊഞ്ചുള്ളരുമയാണേ 
അഖിലമെല്ലാം അലകളാണേ അറബനത്തുടിതാളമാണേ

മിഴികളിൽ സുറുമയോ കരിമുകിലാട്ടമാണോ
വിരിയവേ ഉലകമേ മയങ്ങുവതെന്തുകൊണ്ടോ 
ചൊടികളിൽ മധുകണം കിനിയുവതെങ്ങിനാണോ 
പടച്ചവൻ പടച്ചത് ആകെമൊത്തം പൊന്നുകൊണ്ടോ

ഹൂറി ഇവളൊരു ഹൂറി ഇവളുടെ നൂറിലിരുളൊഴിവായി ..

കണ്ണിനുള്ളിലും ഖൽബിനുള്ളിലും ചേലെഴും പുതുമാരനാണോ 
പാതിരാവില് കുളിരുകോരണ മണിയറക്കിളിവാതിലാണോ     
കണ്ണിനുള്ളിലും ഖൽബിനുള്ളിലും ചേലെഴും പുതുമാരനാണോ 
പാതിരാവില് കുളിരുകോരണ മണിയറക്കിളിവാതിലാണോ     

കനവിലും നിനവിലും പുതുനിഴലാട്ടമാണോ 
പുണരുമീ പുളകവും മധുവിധുരാത്രിയാണോ 
അഴകിലും അറിവിലും മഹിമനിറഞ്ഞ പെണ്ണോ      
പടച്ചവൻ പടച്ചത് ആകെമൊത്തം പൊന്നുകൊണ്ടോ

ഹൂറി ഇവളൊരു ഹൂറി ഇവളുടെ നൂറിലിരുളൊഴിവായി ..

അഴകിയാണേ അഴകിയാണേ അറബിമൊഞ്ചുള്ളരുമയാണേ 
അഖിലമെല്ലാം അലകളാണേ അറബനത്തുടിതാളമാണേ
അഴകിയാണേ അഴകിയാണേ അറബിമൊഞ്ചുള്ളരുമയാണേ 
അഖിലമെല്ലാം അലകളാണേ അറബനത്തുടിതാളമാണേ