പെണ്ണിന്റെ ഇടനെഞ്ചിൽ

പെണ്ണിന്റെ ഇടനെഞ്ചില്‍ ഇലത്താളം
കരളിന്റെ ഉള്ളറയില്‍ ശുദ്ധമദ്ദളം
ആത്മാവില്‍ ആറാട്ടിന്‍ വെടിക്കെട്ട്
ആഹ്ലാദം കൊണ്ടാകെ തുടികൊട്ട്
(പെണ്ണിന്റെ..)

പഞ്ചവാദ്യം പാണ്ടിമേളം ശംഖനാദം
ഉള്ളില്‍ പന്തലിട്ടൊരുക്കിയ കതിര്‍മണ്ഡപം
കൊട്ടും കൊരവേം കൊഴൽ വിളിയും -കരള്‍
കൊട്ടിലില്‍ പ്രാണഹര്‍ഷ ചൊല്ലിയാട്ടം
(പെണ്ണിന്റെ..)

കാവില്‍ തൊഴുതു മടങ്ങേണം പെണ്ണ്
കാഞ്ചീപുരം ചേലയണിയേണം
തോഴികളാലണിഞ്ഞൊരുങ്ങേണം പെണ്ണ്
സ്വയംവര വേദിയിലെഴുന്നള്ളണം
കള്ളനാണം നടിക്കണം കഴുത്തു നീട്ടണം പെണ്ണു
കല്ല്യാണപൂമാലയേറ്റുവാങ്ങണം
പത്തുമാസംകഴിയുമ്പോള്‍ കാഴ്ചവെയ്ക്കണം പെണ്ണ്
പത്തു പതിനാറ് പൈതങ്ങളെ
(പെണ്ണിന്റെ..)