പ്രേമിച്ചു പ്രേമിച്ചു നിന്നെ ഞാനൊരു

പ്രേമിച്ചു പ്രേമിച്ചു നിന്നെ ഞാനൊരു 
ദേവസ്ത്രീയാക്കും 
കാടായ കാടുകള്‍ മുഴുവന്‍ ഞാനൊരു 
കതിര്‍മണ്ഡപമാക്കും 
(പ്രേമിച്ചു... ) 

ആയിരമുമ്മകള്‍ കൊണ്ടു നിന്നെ-
യൊരാരോമന പൂവാക്കും
ഞാനതിന്‍ പല്ലവപുടങ്ങള്‍ക്കുള്ളിലെ 
മാണിക്ക്യ മണിമുത്താകും
(പ്രേമിച്ചു... ) 

ആലിംഗനത്തില്‍ മൂടി നിന്നെയൊ-
രാലോല രോമാഞ്ചമാക്കും 
ഞാനതിന്‍ പീലിത്തിരുമുടി ചാര്‍ത്തിയ 
വേണു ഗായകനാകും 
(പ്രേമിച്ചു... )