നന്ദകിശോരാ ഹരേ

നന്ദകിശോരാ ഹരേ മാധവാ
നീയാണെന്നഭയം
തിരുമെയ്യണിയും ശ്രീ തിലകങ്ങളിൽ
വര ഗോരോചനമാവാം ഞാൻ നിൻ
പ്രിയ സങ്കീർത്തനമാവാം
ഓം ജയ ജയ ശൌരേ ഹരി
ഓം ജയ ജയ ഭഗവാൻ ! (2) ( നന്ദ..)

തരളിതമാമെൻ കരളൊരു യമുനാ
നദിയായ്പാടുന്നു നിന്നേ തേടുന്നു(2)
വനമലർമാലീ അറിയുന്നോ

ഓം ജയ ജയ ശൌരേ ഹരി
ഓം ജയ ജയ ഭഗവാൻ..(2)

കണ്ണീർപൂക്കും കാട്ടുകടമ്പായ്
കാതര ജന്മം നിന്നുരുകുന്നു ( നന്ദ...)

ചിന്മയ ഭാവം തിരു മുരളികയിൽ
ചേർക്കും ശ്രീരാഗം
നീയാം ഓംകാരം ( ചിന്മയ..)
ഹൃദയ പരാഗം ചാർത്തുമ്പോൾ
ഓം ജയ ജയ ശൌരേ ഹരി
ഓം ജയ ജയ ഭഗവാൻ (2)
ഉള്ളിൽ പൂക്കും ലഹരിയിലേതോ
കയ്പോ മധുവോ നിർവൃതിയോ ( നന്ദ...)