പുഞ്ചിരിച്ചുണ്ടില്‍ പ്രണയ
പുഞ്ചിരിച്ചുണ്ടില്‍ പ്രണയമുന്തിരിക്കയ്യില്‍
ആനന്ദമണിവേദിയില്‍ ഞാന്‍ ഗായികയല്ലോ
എന്നും ഗായികയല്ലോ
(പുഞ്ചിരി... )
താരുണ്യമലര്‍ പൂത്തുവരും താമരയാറ്റില്‍
രാഗമധു തേടിയെത്തിയ രാജഹംസം ഞാന്‍
നീന്തി നീന്തി ഞാന്‍ നടക്കും
നീയുമൊത്തു ഞാന്‍ രമിക്കും
നീങ്ങി നീങ്ങിപ്പോയിടട്ടേ ശോകചിന്തകള്‍
(പുഞ്ചിരി... )
കണ്ണിണയില്‍ പ്രേമമിന്നു കവിത തീര്‍ക്കുമ്പോള്‍
പൊന്‍കിനാവിന്‍ മാരിവില്ലുകള്‍ പൊന്തിവരുമ്പോള്‍
പാനപാത്രം ഞാന്‍ നിറയ്ക്കും
പാടിയാടി ഞാന്‍ സുഖിക്കും
പാരിടമീ മധുരചിത്രം കണ്ടു നിന്നോട്ടേ
(പുഞ്ചിരി... )
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Punchiri chundil
Additional Info
Year:
1967
ഗാനശാഖ: