പ്രിയമൊരു വാക്കിന്‍റെ
പ്രിയമൊരു വാക്കിന്‍റെ നിമിഷത്തില്‍
നീയെന്‍റെ പ്രണയത്തെ വായിച്ചിരുന്നൂ
അതിലൊരു ശ്രുതി തെറ്റി ഇടറിയാല്‍
നീയെന്‍റെ ഹൃദയത്തെ നോവിച്ചിരുന്നൂ
(പ്രിയമൊരു വാക്കിന്‍റെ)
ഒരു ചിപ്പിയെടുത്തു നീ ചോദിച്ചൂ
എവിടെയാണ് ഒളിപ്പിച്ചതോമനേ പ്രണയ മുത്ത്‌
ഒരു മുത്തം തന്നു നീ ചോദിച്ചൂ
എവിടെയാണ് ഒളിപ്പിച്ചതെനിക്കുള്ള
പ്രണയ സ്വര്‍ഗ്ഗം,പ്രണയ സ്വര്‍ഗ്ഗം...
(പ്രിയമൊരു വാക്കിന്‍റെ)
ഒരു പുഷ്പമെടുത്തു നീ ചോദിച്ചൂ
എവിടെയാണ് ഒളിപ്പിച്ചതോമലേ പ്രണയ ഗന്ധം
ഒരു രാത്രി എന്നോട് ചോദിച്ചൂ
എവിടെ നാം ഒളിപ്പിച്ചു ജീവന്‍റെ
തരള സ്വപ്നം, തരള സ്വപ്നം....
പ്രിയമൊരു വാക്കിന്‍റെ നിമിഷത്തില്‍
നീയെന്‍റെ പ്രണയത്തെ വായിച്ചിരുന്നൂ
അതിലൊരു ശ്രുതി തെറ്റി ഇടറിയാല്‍
നീയെന്‍റെ ഹൃദയത്തെ നോവിച്ചിരുന്നൂ
നോവിച്ചിരുന്നൂ...നോവിച്ചിരുന്നൂ...
നോവിച്ചിരുന്നൂ.......
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Priyamoru vaakkinte
