ഇടയകന്യക ഞാൻ പാവം പ്രണയമല്ലിക ഞാൻ

ഇടയകന്യക ഞാൻ പാവം പ്രണയമല്ലിക ഞാൻ
അനുരാഗമായ് പെയ്തുപോയ് എൻ സ്നേഹസല്ലാപം
കതിരോർമ്മയായ് പൂത്തു പോയ് വിരഹാർദ്ര ഭാവങ്ങൾ
ഇടയകന്യക ഞാൻ പാവം പ്രണയമല്ലിക ഞാൻ

വെണ്ണിലാവിൻ കായലിൽ മഞ്ഞു വീഴുന്നു
വെൺമുകിൽപ്പൂമെത്തയിൽ തിങ്കളുരുകുന്നു
വനകോകിലങ്ങൾ മൂകമായി പൊന്മുളം കൂട്ടിൽ
നീ എങ്ങുപോയ് നീ എങ്ങുപോയെൻ പ്രേമരാജഹംസമേ
ഇടയകന്യക ഞാൻ പാവം പ്രണയമല്ലിക ഞാൻ

ഇനിയുമെന്തെ പരിഭവം പെയ്തു തോർന്നില്ലെ
ഇനിയുമെന്നെ കാണുവാൻ കൊതിയുണർന്നില്ലേ
ഇനി എന്നു നീയെൻ നീലരാവിൻ പുളകമായ് മാറും
എന്നാത്മദാഹം കേണുപോയി നിന്നെ വാരിപ്പുണരുവാൻ
ഇടയകന്യക ഞാൻ പാവം പ്രണയമല്ലിക ഞാൻ
അനുരാഗമായ് പെയ്തുപോയ് എൻ സ്നേഹസല്ലാപം
കതിരോർമ്മയായ് പൂത്തു പോയ് വിരഹാർദ്ര ഭാവങ്ങൾ
ഇടയകന്യക ഞാൻ പാവം പ്രണയമല്ലിക ഞാൻ