ഉറങ്ങിക്കിടന്ന ഹൃദയം

ഉറങ്ങിക്കിടന്ന ഹൃദയം നീ 
ഉമ്മവെച്ചുമ്മവെച്ചുണർത്തി 
മനസ്സിൽ പതഞ്ഞ മധുരം നീ 
മറ്റൊരു പാത്രത്തിൽ പകർത്തി 
(ഉറങ്ങി...) 

മലർക്കെ തുറന്ന മിഴികൾ കൊണ്ടു 
മയൂരസന്ദേശമെഴുതി (2) 
ചുവക്കെ ചുവക്കെ ചൊടികൾ എത്ര 
ചൂടാത്ത പൂവുകൾ നീട്ടി (2)
അടുത്തൂ - അനുരാഗം തളിരിട്ടു 
(ഉറങ്ങി...) 

ചിലയ്ക്കെ ചിലയ്ക്കെ മൊഴികൾ നെഞ്ചിൽ 
ശൃംഗാരത്തേൻ കൂടു കൂട്ടി (2) 
തുടിക്കെ തുടിക്കെ മോഹം - കൂട്ടില്‍
തൂവൽ കിടക്ക നിവർത്തി 
അടുത്തൂ - അനുരാഗം കതിരിട്ടു 
(ഉറങ്ങി...)