മുത്തു വാരാൻ പോയവരേ

ഓ.. ഓ.. ഓ... 

മുത്തു വാരാൻ പോയവരേ 
മുത്തെന്തെ കണ്ടില്ലാ
ചുഴികൾ കണ്ടൂ - ചിപ്പികൾ കണ്ടൂ 
തുഴഞ്ഞു പോന്നു - തിരിയെ 
തുഴഞ്ഞു പോന്നൂ
(മുത്തു...) 

കടലു കാണാൻ പോയവരേ
കടലെന്തെ കണ്ടില്ലാ
തിരകൾ കണ്ടു - തീരം കണ്ടു 
തിരിച്ചു പോന്നൂ (കടലു..) 
കൂടെ വന്ന വിധിമാത്രം 
കടലും മുത്തും കണ്ടു
(മുത്തു...) 

കാടു കാണാൻ പോയവരേ
കാടെന്തെ കണ്ടില്ലാ
മരങ്ങൾ കണ്ടൂ - മലകൾ കണ്ടു 
മടങ്ങി വന്നൂ (കാടു..)
കൂടെ വന്ന വിധി മാത്രം 
കാടും കനിയും കണ്ടു
(മുത്തു...)