സുരഭീമാസം വന്നല്ലോ

സുരഭീ മാസം വന്നല്ലോ
കുടക പാലകൾ പൂത്തല്ലോ
ആശ്രമരമണികൾ നാമൊന്നായി
കൂടുക വസന്തലീലകളിൽ

ഓടിയോടി വരുന്നവളാരോ
വേടൻ വിരട്ടിയ മാനല്ലാ
മാരനെയ്തൊരു മലരമ്പേറ്റു
മാധുരി നുകരും മയിലല്ലോ
(സുരഭീ...)

വേദം മാത്രം ചൊല്ല്ലാനറിയും
മാടപ്രാവിൻ ചുണ്ടുകളേ 
മൂളിപ്പാട്ടുകൾ മൂളി നടക്കും
മുരളികയാക്കി പൂവമ്പൻ 

അനുരാഗത്താൽ കണ്ണിണയിൽ
അഞ്ജനമെഴുതിയതാരാണ്
താമര കൂമ്പിയ മണിമാറിൽ
താമസമാക്കിയതാരാണ് 
(സുരഭീ..)