പവിഴ പൊന്മല പടവിലെ

പവിഴ പൊന്മല പടവിലെ കാവിൽ

ഭജന നടത്തുന്നൂ പൂങ്കുരുവീ

ശയനപ്രദക്ഷിണം ചെയ്തൊഴുകുന്നൂ

ശാലീന സുന്ദരി പാലരുവീ

പ്രകൃതി തൻ ക്ഷേത്രത്തിൽ കൊടിയേറ്റ്

വാസന്ത ദേവി തൻ മുടിയേറ്റ്

ഉത്സവക്കളി കണ്ട് നടക്കാമിനി ഈ

പച്ചില ഗോപുരത്തിൽ കഴിയാമിനി (പവിഴ,,)

ഇലകളിൽ മഞ്ഞലയാലഭിഷേകം

ഹൃദയത്തിൽ സ്വപ്നത്താലഭിഷേകം

കാമനും രതിയുമായി ആടാമിനി

ആ രാസലീലാ ഗാഥ പാടാമിനി (പവിഴ..)