സ്വന്തം ഹൃദയത്തിനുള്ളറയിൽ
സ്വന്തം ഹൃദയത്തിനുള്ളറയിൽ - എന്റെ
സ്വപ്നത്തെ അടക്കിയ കല്ലറയിൽ
പുഷ്പചക്രം ചാർത്തുവാനായി
പൂന്തിങ്കൾ വീണ്ടും വന്നു
സ്വന്തം ഹൃദയത്തിനുള്ളറയിൽ - എന്റെ
സ്വപ്നത്തെ അടക്കിയ കല്ലറയിൽ
മതങ്ങൾ കെട്ടിയ മതിലുകൾക്കുള്ളിൽ
മർത്യൻ വീണു മരിച്ചപ്പോൾ
ആരുമറിയാതെൻ അനുരാഗസ്വപ്നത്തെ
ആറടി മണ്ണിൽ അടക്കി - ഞാൻ
ആറടി മണ്ണിൽ അടക്കി
സ്വന്തം ഹൃദയത്തിനുള്ളറയിൽ
കൊളുത്തിയില്ല താരകളന്നൊരു
കൊച്ചു കൈത്തിരി വാനിടത്തിൽ
കാവലിരിക്കുന്നു കണ്ണീർമഴയിലും
കദനച്ചൂടിലും ഞാൻ മാത്രം
കദനച്ചൂടിലും ഞാൻ മാത്രം
സ്വന്തം ഹൃദയത്തിനുള്ളറയിൽ - എന്റെ
സ്വപ്നത്തെ അടക്കിയ കല്ലറയിൽ
പുഷ്പചക്രം ചാർത്തുവാനായി
പൂന്തിങ്കൾ വീണ്ടും വന്നു
സ്വന്തം ഹൃദയത്തിനുള്ളറയിൽ - എന്റെ
സ്വപ്നത്തെ അടക്കിയ കല്ലറയിൽ
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Swantham hridayathinnullarayil
Additional Info
Year:
1969
ഗാനശാഖ: