പൊന്മലയോരത്ത്

പൊന്മലയോരത്ത് പുഴയുടെ തീരത്ത്
പഞ്ചമിയെന്നൊരു പെണ്ണ്
കുമ്പിളിനുള്ളിൽ കുളിരും കൊണ്ട്
കുളിക്കാൻ വന്നൂ - കുളിക്കാൻ വന്നൂ 
പൊന്മലയോരത്ത് പുഴയുടെ തീരത്ത്
പഞ്ചമിയെന്നൊരു പെണ്ണ്

കനകക്കസവുടയാടയഴിച്ചവൾ
കല്പടവിന്മേൽ വെച്ചു
പാലാഴിയിലെ പളുങ്കു പോലെ
പവിഴമത്സ്യം പോലെ
അരനീർ വെള്ളത്തിൽ നീന്തി നടന്നു
അവളൊരു പുഷ്പശരം പോലെ
(പൊന്മല... )

ആമ്പൽപ്പൂക്കളെയിക്കിളിയിട്ടും
കൊണ്ടതു വഴി വന്നൊരു കാറ്റ് (2)
ചന്ദനക്കല്ലിൽ നിന്നവളുടെ ചേലകൾ
എന്തിനു വാരിയെടുത്തൂ നീ (2)

മാനത്തക്കരെ നീലപ്പൊയ്കയിൽ
നാണിച്ചു പഞ്ചമി നിന്നു (2)
പെണ്ണിനുടുക്കാൻ ധനുമാസം നെയ്തൊരു
പൊന്നാടയല്ലോ പൂനിലാവ് (2)

പൊന്മലയോരത്ത് പുഴയുടെ തീരത്ത്
പഞ്ചമിയെന്നൊരു പെണ്ണ്
കുമ്പിളിനുള്ളിൽ കുളിരും കൊണ്ട്
കുളിക്കാൻ വന്നൂ - കുളിക്കാൻ വന്നൂ 
പൊന്മലയോരത്ത് പുഴയുടെ തീരത്ത്
പഞ്ചമിയെന്നൊരു പെണ്ണ്