കൊച്ചിക്കാരത്തി കൊച്ചു പെണ്ണേ

കൊച്ചീക്കാരത്തി കൊച്ചു പെണ്ണേ- നിന്റെ 
കൊച്ചു പൊതിക്കെട്ടിലെന്താണ്‌ 
വയനാടൻ പുഴയിലെ മീനാണോ 
വലവീശിക്കിട്ടിയ മുത്താണോ 
കൊച്ചീക്കാരത്തി കൊച്ചു പെണ്ണേ

വയനാടൻ പുഴയിലെ മീനല്ല 
വലവീശിക്കിട്ടിയ മുത്തല്ല (2)
വഴിയിൽക്കണ്ടൊരു ചെറുപ്പക്കാരന്റെ 
കരളിന്നുള്ളിലെ കുളിരാണ്‌ (2)
(കൊച്ചീക്കാരത്തി... )

കരളിലെ കുളിരുംകൊണ്ടൊടല്ലേ 
കടമിഴികോണിനാൽ തല്ലല്ലേ (2)
അപ്പനുമമ്മയും പള്ളിയിൽ പോകുമ്പോൾ 
ആവഴി ഞാനൊന്നു വന്നോട്ടെ 
(കൊച്ചീക്കാരത്തി.. )

പിണങ്ങാൻ വിളിച്ചാലുമിണങ്ങാൻ വിളിച്ചാലും 
പരിഭവിച്ചോടുന്ന പെണ്ണേ (2)
മനസ്സുകൊണ്ടനുരാഗ കുറിമാനമെഴുതുമ്പോൾ 
മറക്കല്ലേ നീയെന്റെ മേൽവിലാസം (2)
കൊച്ചീക്കാരത്തി കൊച്ചു പെണ്ണേ...