പുളകമുന്തിരിപ്പൂവനമോ നീ

പുളകമുന്തിരിപ്പൂവനമോ നീ
പൂജയ്ക്കൊരുക്കിയ പൂത്താലമോ
അമരാവതിയിലെ അമൃതനിർഝരിയോ
അഴകിൻ യമുനാനദിയോ 
അഴകിൻ യമുനാനദിയോ 
(പുളകമുന്തിരിപ്പൂ..)

കണ്ണിൽ കൗമുദി വിടരുന്നു നിൻ
മാറിൽ താമര പിടയുന്നു
പ്രണയിനീ നിൻ ഇടയിളകുമ്പോൾ
പ്രേമകവിതകൾ തുളുമ്പുന്നൂ 
പ്രേമകവിതകൾ തുളുമ്പുന്നൂ
(പുളകമുന്തിരിപ്പൂ..)

നടയിൽ നദിയുടെ ലയഭാവം നിൻ
ചൊടിയിൽ ചുംബനസുഖദാഹം
ഒരു നിമിഷം നിൻ നളിനപുടത്തിൽ
കരിനീലവണ്ടായൊളിച്ചോട്ടേ 
കരിനീലവണ്ടായൊളിച്ചോട്ടേ 
(പുളകമുന്തിരിപ്പൂ..)